पेट्रोलियम पदार्थ र ग्यासको मूल्य परिवर्तन

Listen to this article

काठमाडौं, २१ माघ । नेपाली बजारमा फेरी पेट्रोलियम पदार्थको मूल्य घटेको छ । तर  ग्यासको मूल्य भने  बढेको छ ।

सोमबार राति १२ बजेदेखि लागू हुने गरी नेपाल आयल निगमले पेट्रोलियम पदार्थको मूल्य घटाएको हो ।

निगमले जारी गरेको नयाँ मूल्यसूची अनुसार पेट्रोल, डिजल र मट्टितेलको मूल्यमा एक–एक रुपैयाँ घटेको हो ।

अब पेट्रोलको मूल्य प्रति लिटर रू ११०, डिजल र मट्टितेलको प्रति लिटर  मूल्य रू ९९  कायम गरिएको छ ।

 ग्यासको मूल्य भने वृद्धि गरिएको छ । ग्यासमा प्रतिसिलिण्डर २५ रुपैयाँले बढाएर १३७५ रुपैयाँ पुर्‍याएको निगमले जनाएको छ ।

हवाइ इन्धनको मूल्य भने यथावत रहेको छ ।