त्रिभुवन अन्तरार्ष्ट्रिय विमानस्थलमा आगलागी

Listen to this article

काठमाडौं । त्रिभुवन अन्तरार्ष्ट्रिय विमानस्थलमा आगलागी भएको छ । सोमबार राति ८:१० मा अन्तर्राष्ट्रिय विमानस्थलमा रहेको टर्मिनल भवनको कफी पसलमा आगलागी भएको हो ।

आगलागीले अन्तर्राष्ट्रिय बोर्डिङ गर्ने लेन नम्बर १ देखि ५ सम्म जलेको छ । कतारका लागि बोर्डिङ गर्दा शुरु भएको आगलागीका कारण विमानस्थल नै अहिले सिल गरिएको छ । जसका कारण फ्लाइटहरु सवै रोकिएका छन् ।

एयरपोर्टको दमकलले आगलागी नियन्त्रणमा लिइसकेको छ ।

यात्रु कक्षमा बसेका यात्रुहरुलाई सुरक्षित स्थानमा सारिएको विमानस्थल स्रोतले जानकारी दिएको छ । विजुली तार जुधेर  आगलागी भएको अनुमान गरिएको  छ ।