योर्क सेन्ट जोन युनिभर्सिटीको सूचना केन्द्र काठमाडौंमा

Listen to this article

काठमाडौं । योर्क सेन्ट जोन युनिभर्सिटीसँगको सहकार्यमा रियल ड्रीम्स एजुकेशन कन्सल्टेन्सीले आज विशेष कार्यक्रमका बीच आफ्नो सुचना केन्द्रको रूपमा एक सम्पर्क कार्यालय खोलेको छ ।

योर्क सेन्ट जोन युनिभर्सिटीका प्रतिनिधि, इन्टरनेशनल रिक्रूटमेन्ट प्रमुख मोहसिन रमजान र इन्टरनेशनल डेभलपमेन्ट म्यानेजर काइल हेनरी र रियल ड्रीम्स एजुकेशन कन्सल्टेन्सीका प्रबन्ध निर्देशक बसन्त नेपालले संयुक्त रुपमा काठमाडौंको न्यु प्लाजामा सम्पर्क कार्यालयको उद्घाटन गरे ।

यसअघि १९ गते शनिबार राजधानीको नागपोखरीस्थित अरण्य बुटिक होटलमा रियल ड्रिम्स एजुकेशनल कन्सल्टेन्सीले बेलायतको योर्क सेन्ट जोन युनिभर्सिटीसँगको सहकार्यमा महत्वपूर्ण सूचना सत्रको आयोजना गरेको थियो । कार्यक्रम जनवरी २०२३ इन्टेकको लागि सम्भावित विद्यार्थीहरूका माझ जानकारी र आवेदन मूल्याङ्कन प्रदान गर्ने उद्देश्यले आयोजना गरिएको थियो। विश्वविद्यालयका प्रतिनिधि रमजान र हेनरीले विश्वविद्यालय र भर्ना प्रक्रियाका बारेमा जानकारी दिए । आयोजक टोलीले सहभागी विद्यार्थीहरुका लागि  उक्त सत्र भविष्यको करियरको लागि लाभदायी भएको दाबी गरे।

रियल ड्रीम्स कन्सल्टेन्सी २०११ मा बेलायतमा स्थापना भएको थियो; यद्यपि, यो २००३ देखि यस क्षेत्रमा छ। यसले चार देशहरूमा ११ शाखाहरू सञ्चालन गर्दै आएको छ र केही शीर्ष विश्वविद्यालयहरूमा दस हजार विद्यार्थीहरूलाई सेवा दिएको छ। यो हाल बेलायतमा ४० भन्दा बढी विश्वविद्यालयहरु संग काम गरिरहेको छ।